Términonan i Kondishonnan

1Organisadó di e kampaña

E kampaña “Kòriente Tur Kaminda” ta organisá pa Curaçao Sure Lottery, den e dokumento aki yamá “e organisadó”.

2Durashon di e kampaña

E kampaña ta kuminsá 3 di ougùstùs 2026 i ta sera 4 di sèptèmber 2026.

Solamente inskripshonnan kompletá i risibí promé ku e fecha i ora di sera indiká pa Curaçao Sure Lottery lo ta válido.

E sorteo ta tuma lugá 5 di sèptèmber 2026.

3Ken por partisipá

Por partisipá den e kampaña tur persona ku:

• Tin mínimo 18 aña.
• Ta residente di Kòrsou.
• Ta kumpli ku tur rekisito stipulá den e presente términonan i kondishonnan.

Empleadónan, bendedónan, rebendedónan i famianan di empleadónan di Curaçao Sure Lottery por partisipá, semper ku nan kumpli ku e mesun kondishonnan ku ta apliká pa tur otro participante.

4Partisipashon grátis

Partisipashon den e kampaña ta kompletamente grátis. No ta nesesario kumpra un produkto òf hasi un apuesta pa por partisipá.

5Manera pa partisipá

Pa partisipá, e persona mester kompletá tur dos paso siguiente:

1. Uni ku e kanal ofisial di WhatsApp di Curaçao Sure Lottery.
2. Yena i manda e formulario di partisipashon disponibel riba e wèpsait di Curaçao Sure Lottery.

Den e formulario, e participante mester yena por lo ménos:

• Nòmber kompleto.
• Number di telefòn.
• Adrès di e-mail.

Kada persona por partisipá solamente un biaha.

6Validashon di inskripshon

Curaçao Sure Lottery tin derecho di kontrolá i validá tur inskripshon risibí.

Inskripshonnan por keda eliminá den kaso ku:

• E mesun persona inskribí mas ku un biaha.
• E informashon ta inkompleto.
• E informashon ta inkorekto òf falso.
• E participante no ta kumpli ku un di e rekisitonan di e kampaña.
• Tin indikashon di fraude, manipulashon òf mal uso di e sistema di inskripshon.

Ora tin varios registro ku e mesun nòmber, number di telefòn, e-mail òf otro dato identifikabel, Curaçao Sure Lottery por konsiderá esakinan komo inskripshonnan dupliká.

Solamente un inskripshon válido pa persona lo partisipá den e sorteo.

7Korekshon di dato

E participante por pidi pa koregí su informashon promé ku e fecha di sera di e kampaña.

E korekshon no por usa pa krea un partisipashon adishonal ni pa transferí un inskripshon na un otro persona.

8Premio

Lo tin un ganador.

E premio:

• No por kambia pa plaka.
• No ta transferibel na un otro persona.
• No ta inkluí instalashon.
• No ta inkluí kapasitashon òf entrenamentu pa uso.
• Mester ser buská pa e ganador na e lugá i fecha indiká pa Curaçao Sure Lottery.

E premio lo ser entregá den e kondishon ku e ta disponibel. Kualke garantia di produkto ta bou di e kondishonnan di e distribuidó òf fabrikante.

Curaçao Sure Lottery no ta ofresé un garantia adishonal aparte di esun ku e distribuidó òf fabrikante ta duna.

9Selekshon di e ganador

E ganador lo ser selekshoná mediante un sorteo digital aleatorio entre tur inskripshon válido.

Tambe lo ser selekshoná un ganador suplente.

E resultado di e sorteo ta definitivo, suhetá na validashon di e identidat i elegibilidat di e persona selekshoná.

10Kontakto ku e ganador

Curaçao Sure Lottery lo hasi máximo sinkü intento pa kontakto ku e posible ganador, usando e number di telefòn, e-mail òf otro medio ku e participante a registrá.

E posible ganador tin un siman, kontando for di e promé intento di kontakto, pa kontestá i kumpli ku e proseso di validashon.

Si e persona:

• No kontestá dentro di e término stipulá.
• No por ser kontakto.
• No presentá e dokumentonan nesesario.
• A suministrá informashon inkorekto.
• No ta kumpli ku e términonan i kondishonnan.

E persona lo pèrdè su derecho riba e premio i Curaçao Sure Lottery por deklará e ganador suplente komo ganador.

11Reklamashon di e premio

Pa reklamá e premio, e ganador mester presentá un dokumento di identidat válido.

E datonan riba e dokumento di identidat mester korespondé ku e datonan suministrá durante e inskripshon.

E ganador mester sigui e instrukshonnan di Curaçao Sure Lottery relashoná ku fecha, ora i lugá pa buska e premio.

Si e ganador no buska e premio dentro di e término indiká sin un motibu aseptabel, Curaçao Sure Lottery por konsiderá ku e ganador a renunsiá na e premio.

12Anunsio di e ganador

E ganador lo ser anunsiá via e retnan sosial ofisial di Curaçao Sure Lottery.

Curaçao Sure Lottery por publiká:

• Nòmber di e ganador.
• Potrèt di e ganador.
• Video di e entrega di premio.
• Kontenido relashoná ku e kampaña i entrega di e premio.

13Uso di nòmber i imagen

Ku aseptashon di e premio, e ganador ta autorisá Curaçao Sure Lottery pa usa su nòmber, imagen, potrèt, bos i grabashonnan di video relashoná ku e kampaña.

E material por ser usa riba wèpsait, retnan sosial, WhatsApp, material impreso i otro kanal promoshonal di Curaçao Sure Lottery, sin pago adishonal.

E uso lo ta limitá na komunikashon, dokumentashon i promoshon di e kampaña i su resultado.

14Uso di dato personal

E datonan personal suministrá lo ser usa pa:

• Administrá e kampaña.
• Validá inskripshonnan.
• Detektá registro dupliká òf inválido.
• Selektá i kontakto e ganador.
• Koordiná entrega di e premio.
• Kumpli ku obligashonnan administrativo i legal.
• Manda komunikashon promoshonal, solamente ora e participante a duna su konsentimentu separá pa esaki.

Konsentimentu pa risibí komunikashon promoshonal ta separá for di aseptashon di e términonan i kondishonnan.

No ta obligatorio aseptá komunikashon promoshonal pa por partisipá den e kampaña.

E datonan lo ser konservá durante e tempu ku ta razonabelmente nesesario pa manehá e kampaña, entrega e premio, resolvé situashonnan relashoná ku e partisipashon i kumpli ku obligashonnan aplikabel.

Dato di personanan ku a aseptá komunikashon promoshonal por ser usa pa e propósito ei te ora e persona kita su konsentimentu.

15Faya tékniko

Curaçao Sure Lottery no ta responsabel pa inskripshonnan ku no a ser risibí debí na:

• Problema di internet.
• Faya di telefòn, aparatonan òf sistema.
• Interupshon di e wèpsait òf WhatsApp.
• Error di e participante.
• Informashon inkorekto suministrá den e formulario.
• Problema ku servisio di un tersero.
• Otro sirkunstansia ku ta pafó di kontrol razonabel di e organisadó.

Un formulario habrí, yená òf intentá di manda no ta garantisá partisipashon. E inskripshon mester ser risibí korektamente pa por ta válido.

16Uso i seguridat di e premio

E ganador ta responsabel pa lesa i sigui tur manual, instrukshon i rekomendashon di seguridat suministrá pa e fabrikante.

Curaçao Sure Lottery no ta responsabel pa daño, aksidente, pèrdida òf problema ku resultá di:

• Uso inkorekto di e produkto.
• Instalashon inkorekto.
• Modifikashon di e aparato.
• Uso kontrali na instrukshonnan di e fabrikante.
• Falta di mantenementu.
• Uso di aksesorianan no rekomendá.
• Negligensia di e usuario.

Nada den e presente kondishonnan ta ekskluí responsabilidat ku, segun lei aplikabel, no por ser ekskluí.

17Fraude i deskalifikashon

Kualke intento pa manipulá e sorteo, formulario, sistema digital òf mekanismo di partisipashon por resultá den deskalifikashon inmediato.

Curaçao Sure Lottery por deskalifiká un participante ku:

• Usa dato falso.
• Usa identidat di un otro persona.
• Krea varios registro.
• Intentá interferí ku e sistema.
• Aktuá di forma fraudulento òf deshonesto.
• No kumpli ku e presente términonan i kondishonnan.

18Kambio, suspendé òf kanselá e kampaña

Curaçao Sure Lottery por modifiká, posponé, suspendé òf kanselá e kampaña den kaso di fuerza mayor, problema tékniko, obligashon legal, fraude, situashon ku ta pone integridat di e sorteo na peliger òf otro motibu hustifiká.

Kualke kambio importante lo ser komuniká mediante e kanalnan ofisial di Curaçao Sure Lottery.

Ningun kambio lo ser hasi ku intenshon di perhudiká injustamente e personanan ku a partisipá válidamente.

19Pregunta tokante e kampaña

Pa pregunta òf aklarashon tokante e kampaña, participante por dirigí su mes na:

• Un di e retnan sosial ofisial di Curaçao Sure Lottery.
• Un punto di benta di Curaçao Sure Lottery.

Informashon suministrá verbalmente òf pa personal no por kambia e presente términonan i kondishonnan.

20Aseptashon

Pa manda e formulario di partisipashon, e participante ta deklará ku:

• E a lesa e términonan i kondishonnan.
• E ta komprondé e mekanismo di e kampaña.
• E ta kumpli ku e rekisitonan di partisipashon.
• E ta aseptá e presente términonan i kondishonnan.

21Lei aplikabel

E kampaña i e presente términonan i kondishonnan ta ser goberná pa leinan aplikabel na Kòrsou.

Kualke situashon ku no ta kubrí ekspresamente den e dokumento aki lo ser evaluá pa Curaçao Sure Lottery di manera razonabel, transparente i konsistente ku lei aplikabel.